POSTULIO

POSTULIO

vox sacrorum, apud Veteres Romanos, pro postulatio, Arnob. adv. Gent. l. 4. In ceremoniis vestris rebusque divinis postulionibus locus est, et piaculi dicitur contracta esse commissio, si per imprudentiae lapsum, aut in verbo quispiam, aut simpuvio, deerrârit. Ubi postulionibus locum esse dicit, quum ob ostentum vel errorem in ceremoniis commissum piaculumque sacra instaurari et piaculum expiari, Dii postulare credebantur. Quomodo rei asperitatem vocis lenitate conabantur mitigare. Varro ex emendatione Scaligeri, A' Procilio relatum, in eo loc dehisse terram, et ex Senatusconsulto ad Aruspices relatum, esse responsum, Deum Manium postulionem postulare, civem fortissimum eo demitti. Cicero de Aruspic. Resp. vocem communem retinet. De eare scriptum est, postulationes decretas esse Iovi, Saturno, Neptuno, Teiluri, Diis caelestibus. Vide G. Elmenhorstium et Desid. Heraldum, ad Arnob. d. l.